史丁の十萬個為甚麼！

05年頭《+81》推出的Nike「超Classic」編集《Blue RIBBONS》都係搵原版The Sting做封面。

03年女裝復刻，鞋形、細位、手工還是不及樓上Watanabe傳神。

真的很耐沒掂過波鞋，堅決擺脫其魔爪的決心至今不變，亦堅信「No Sneakers No Life」這句說話是錯的，「Too Much Sneakers No Life / Money」就差唔多。不買，是因為真的買夠了，而且我亦相信鞋是很難爛的，假若有天你突然覺得佢樣衰、眼冤，你亦拿它沒辦法。鞋不同衫，不可以訓覺著、當地布或硬生生對摺攝入衣櫃。再者，開一對新鞋是要負責任照顧佢一世的，我是真的很怕著過佢一兩次後，望住佢發現「我唔想再著你呀」的感覺，著過的鞋唔係Visvim的話，賣唔番入貨價位架（炒仔口吻……）。

其他的原因當然還有很多，例如你有冇估計過現在每天會出幾多對新版本的復刻？單是近年轉轉色的Air Max、Air Force I已足夠把你家填平，以往一對鞋會有那麼多版本嗎？你可以記得晒所有別注鞋名嗎？因為今日是新，明天已是舊的了，根本沒需要把這些資料存入大腦之中吧！我只認為記得Original原色已足夠（成熟風口吻……），因為Original一定是最美的，而且炒仔一定會歧視而唔會著的，我信。

但當然，對於某些未曾擁有過，或是佢出世你都未出世的鞋款，我還是有所牽掛。到今天為止，唯一一對就是像極「新奇士橙紙皮箱」的The Sting。The Sting生於1976年，原版推出時我真有可能未出世，90年代尾出過進化版，但到2003年當我知佢出「堅」復刻版時，嘩！好興奮……不過，原色香港唔多見有，上網睇過只出女裝……搞X錯呀。直到今年，再次興奮，因為Junya Watanabe x Nike第二彈Vintage Series居然有佢份！而且無論顏色、扁身鞋形、發黃中底以至生膠底亦比上一次復刻更跟足原著，是我有生以來看過全波鞋界最高手的仿Vintage示範，技術Super高超，上年尾公布時人人睇定話買硬，點知……問過香港代理「在斯」居然話唔返……冇野呀，咁好賣都唔返，日本晨咁早賣清光喇，炒爆喇，我點買呀！！！又唔知點解，以往神通廣大乜都入一餐的水貨佬居然一樣冇個返……十萬個為甚麼頃刻間從口飛出。香港代理入貨，好難捉摸呀！愈寫愈多，激鬼氣……

P.S. 其實連「100%跟足原著復刻」呢招咁勁都出埋……Nike兄，你仲有幾多招剩呀？