荷里活有間大酒店の一堆Model在踢波

近排在電視成日見到尹光，「荷里活有間大酒店，三個肥婆……快d買番隻返去唱卡拉OK啦」，佢晚晚係咁同我講呢番說話。

但誰不知，沖涼時唱番兩咀時，忽然想到近排「荷里活有間大酒店，一堆Model在踢波」！原來是真的，N.Hoolywood是真的在踢波呀！

話說07-08 A/W N.Hoolywood的主題叫The Game，Fashion Show中找來了一大堆Model分成兩Team打美式足球，在漆黑的環境下係威係勢列隊進場，燈光亦隨著他們的步伐漸漸明亮起來，原來場館地板鋪上了草皮，變成了波地呀！但係一班波牛同Fashion有乜關係先，話說他們身上穿的正是被稱之為Preppy Style的80年代學院派時裝，今期《Huge》及《Men's Non-no》亦點名話掂硬，相信這類在古著界大把的Numbering中袖Tee會隨之爆Hit起來（《Boon》今期也說古著潮要回來了！），也難怪出身古著界的尾花大輔，幾乎每季都愛把古著衫款配入其細身剪裁當中，企圖把它變得Hi-End起來，示範「大學數字」Tee如何外配西裝這類「平衡感」style。玩古著，邊有死架，尾花兄，嘿嘿……^^

看過《Huge》把N.Hoolywood新一季的「大學Tee」登了出來（和這件藍色的貓行中袖Show Piece是同一系列），很很很期待呀！在此聲明，唔該今次同道者麻煩讓一讓路，唔係我晨咁早o係度爆響口為乜呀！你冇癮，唔……我唔mind，最好啦、啦、啦。

N.Hoolywood VS. United Arrowsの好難揀

N.Hoolywood




你睇佢拉得幾緊。

United Arrows




從來認為，要買像Converse這種帆布鞋，就算是玉王大帝同佢Crossover都好，我唔會俾過三舊水，刻薄d最好兩舊，因為現在香港賣的All Star，論鞋形講手工唔好得過泰國版幾多。不過今個月頭我去日本，卻曾經有一刻(或者幾日夾埋有成個鐘！)動搖過，眼前的分別是25,200Yen及11,340Yen的超高水準復刻，平極都要七舊幾。都唔知係咪有咁啱得咁蹺，呢排日本係咁出All Star復刻，N.Hoolywood出啫，United Arrows又在差唔多時間出埋一份，N.Hoolywood的是舊版Fashion進化，鞋籠換了真皮、鞋背白章、鞋帶變成今季衞衣都有用的彈彈電話繩(另有普通圓身鞋帶)，用意是等你輕易拉緊鞋帶之後唔走位之餘同時可營造日系古著友最愛的「紮腳」Style兼要除要著唔使下下鬆開 + 縛鞋帶，所以建議大家要買大一點。至於UA以70年代版本作骨架的單粒大星黑章復刻(章上刪除了Made In USA字樣，而最明顯分別是鞋面兩側多條車線)，經野口強著用過後，除了黑白色外更出埋我恨死的綠及粉藍，鞋帶更做出Vintage的發黃效果呀！好靚呀，靚到我返到香港都仲未唔知買邊對好呀，索性兩敗俱傷唔鬼揀，其實……實情是太貴囉，N.Hoolywood都係咁話。

p.s 諗極唔明點解I.T到現時為止都冇入N.Hoolywood的All Star呢？日本仲有d貨喎。

終於等到你了！

堪稱是N.Hoolywood最有型的部分，冇呢塊Tag件事爭好遠。

最新07-08 A/W「The Game」

（Left）現在賣緊的07 S/S「Poping 2」。（Right）Standard系列，除了

Levi's 646及517外，仲有貴但身為N.Hoolywood Fans點都要有一件的著面「底衫」。

無論是為工作抑或為興趣（後者居多），以往總愛在網上胡亂搜尋有關N.Hoolywood的相關資訊，諸如看看某某On-line Shop所引入的新貨呀、二手市場情報等等，假若找到I.T沒有的Item就最好，下次去日本就可以放心買了。不過，一直找找找，就是沒有她的官方網址。難道這樣紅的一個品牌，真的要如此隱世，不想外國人見識一下？同輩的Julius、The Viridi-anne、Lad Musician，甚至是Whereabouts都已有了，不過有是有，但統統都患了日牌時裝網站的通病，就是應有的一定沒有，字都冇隻，冇野睇，好「西」。

雖然是抱著這樣的心態，但早幾日突然發現www.n-hoolywood.com，始終是Fans的我也不禁在心裏Yeah了一下，更四出向擺明沒有興趣的同事宣揚一番。結果好看嗎？人情分是肯定有的了，但起碼裏面有齊歷年Fashion Show的照片及主題介紹，新近兩季的更有大量照片，這已是一個時裝品牌網站最重要的部分呀。另外，是簡單易用，不似某些網站般漆黑一片擺明玩野要估邊個位Click得邊到唔得，最憎！不過呢，有一樣大家一定唔鍾意，就是冇新貨睇……這也是這類官方網站的通病呀，唉……