你睇佢拉得幾緊。
United Arrows
從來認為，要買像Converse這種帆布鞋，就算是玉王大帝同佢Crossover都好，我唔會俾過三舊水，刻薄d最好兩舊，因為現在香港賣的All Star，論鞋形講手工唔好得過泰國版幾多。不過今個月頭我去日本，卻曾經有一刻(或者幾日夾埋有成個鐘！)動搖過，眼前的分別是25,200Yen及11,340Yen的超高水準復刻，平極都要七舊幾。都唔知係咪有咁啱得咁蹺，呢排日本係咁出All Star復刻，N.Hoolywood出啫，United Arrows又在差唔多時間出埋一份，N.Hoolywood的是舊版Fashion進化，鞋籠換了真皮、鞋背白章、鞋帶變成今季衞衣都有用的彈彈電話繩(另有普通圓身鞋帶)，用意是等你輕易拉緊鞋帶之後唔走位之餘同時可營造日系古著友最愛的「紮腳」Style兼要除要著唔使下下鬆開 + 縛鞋帶，所以建議大家要買大一點。至於UA以70年代版本作骨架的單粒大星黑章復刻(章上刪除了Made In USA字樣，而最明顯分別是鞋面兩側多條車線)，經野口強著用過後，除了黑白色外更出埋我恨死的綠及粉藍，鞋帶更做出Vintage的發黃效果呀！好靚呀，靚到我返到香港都仲未唔知買邊對好呀，索性兩敗俱傷唔鬼揀，其實……實情是太貴囉，N.Hoolywood都係咁話。
p.s 諗極唔明點解I.T到現時為止都冇入N.Hoolywood的All Star呢？日本仲有d貨喎。
4 comments:
united arrows版正bor，我以前係ebay bid左對黑色黑章all star，可惜放左比仇人，勁後悔！
唔緊要，買番la，仲有綠色同藍色，很配你的outdoor style呀，不過我上次去日本仲未出呀。
好想買，但係破左產…
N.Hoolywood啦唔係仲諗呀?
Post a Comment