多得這位日本哥哥為我演繹這5款出得大場面的N.Hoolywood Underwear，辛苦晒。
Under Summit Wear的白色抽屜盒子，很想要呢！
很久沒買過有Print的衣服，尤其是Tee。
或者……我不想被身上的Graphic支配，又或者……我開始想別人留意自己本身多一點，或者……我堅信多年來一直在雜誌上鼓吹的成熟風潮流沒有錯，又或者我已壓倦了現在那些沒頭沒腦的Graphic，再者我不想吃Supreme、BAPE這類不用試味的快餐。
時裝要的是冒險精神，是自信的建立，當你也有襯錯衫的一天，那是好的，代表你正享受著時裝的樂趣、過程。
所以呢，無地のTee(Plain Tee)是我這年來的堅持，是真正可以令你襯衫襯過夠的無敵素材，無論是Muji的、UNIQLO的、The Viridi-anne的、古著的、Freak's Store那些沒大牌子但好品質的我都會買，當然上圖N.Hoolywood的Underwear系列更不用多說，最基本的5款全數任君選擇，是「無地の人」最少買一件的Best Buy(自稱是Fans更加要買！短袖6,000Yen左右有交易)，大家不要以為叫Underwear就是不見得人的打底衫，其實無論薄身質料、領位粗幼大小、剛好的細身Cutting也是No.1的，近年不少時裝品牌就是喜歡推出出得大場面的底衫，冬天襯Cardigan、西裝，夏天單著襯不同小物，甚至是下身簡單襯西褲一樣OK，而上年N.Hoolywood也加碼推出另一貴價低衫系列－Under Summit Wear(Summit解作最高級的 )，款式已脫離一般底衫框框，有V-neck甚至是Pocket Tee，但價錢卻已超越了底衫甚至面衫的定位，很貴呀，基本的Tee也要約10,000Yen！就連早前《HUGE》也快人一步說這股Underwear勢力是2007的Keyword，是sell表面求其不經意但暗地裏極之講究的[N]系低調高級感。
情況等同買件白恤衫，死話佐記同COMME差唔多的，我就費事同你講！
3 comments:
頂！！原來有盒既N.Hoolywood底衫係貴咁多，我上次去日本依勢丹男館買左一件，起初我都覺得點解咁貴，但見整個專櫃內都只有盒裝，所以就無理到就乖乖俾錢（其次係見到有XL Size所以更加鬼um 眼！）。點知你依家講我先知道自己柒左呀。不過講真個盒又真係幾靚既，超有誠意之作！但經已淪為老婆的首飾盒了……唏噓……
點呀，老細。你買的Under Summit Wear係一定有盒架，係比普通basic的Underwear Series貴架，而且款式不同，不可作出如此比較，你咁貴又會肯買o既？我淨係想要個盒咋。
講真我真係唔知N.Hoolywood底衫有平貴之分，加上我其實唔係好知N.Hoolywood既底衫賣緊幾錢（唔準笑呀！唔知咪唔知囉，好奇咩……），再者，我見到有XL o岩我著我都無理咁多了……你知我呢期幾難買衫架啦……
Post a Comment