哈呢哈呢の你係咪玩o野

「哈呢」永遠帶給人「哈哈」的歡樂，不要少看她，佢o既生意額隨時勁過唔少扮晒野的日牌呀！我就親眼見過好多o架仔笑晒咁縮起個膞硬試超細身西裝，平平地勝在可以扮下o野，絕對是一眾「窮o架」的扮靚救星！無佢？Hi-End邊可以咁普及呀。況且「哈呢」的「觸覺」都算快，深明o架仔恨死[N]系品牌出品但又冇錢買的心態，自出完Raf Simons魔術貼版高筒Sneakers後再下一城，推出了明玩Rick Owens但只係賣12,600Yen的籃球鞋！基本上單睇條拉鏈同鞋筒已經擺到好明，買完佢再同場買多幾件窄tee加十條Skinny Jeans埋單計數大有可能同Owens哥那對150,000Yen差唔多，隨時仲有得找。當然啦，鞋款明顯單薄d，而且鞋底仲無端端玩埋Stan Smith，至於鞋形呢，就令我諗起有少少似John Lawrence Sullivan今季的拳師鞋……好明顯是集當下流行元素共冶一爐的示範作……實行借Owens哥搵快錢。

熟口熟面？係呀，咪就係我之前o個篇《半過氣のMy Dream Shoes~~但仲好想要囉！》寫的那一對囉，係咪玩o野先……而家。