佢呢頂帽的造型，根本就係玩Johnny Depp，佢的系列講到明，冇隱瞞。
Pledge請Sales都有一套，佢條o靚水澗航都符合靚仔+長毛+瘦。
你唔好話一個時裝品牌Director個樣唔關事，樣衰d隨時俾佢累死（也難怪很多寧願唔出鏡，但我又唔信，自命靚仔又會扮低調唔出鏡喎）！
依家世界難撈，日本[N]系市場都係，稍為靚仔的設計師呀、所謂的主腦呀都要免為其難下海充當Model影下Styling，企圖儲定班Fans信徒，成為品牌的精神領袖。咁唔靚仔點算？最簡單就是搵番個靚仔做Partner（唔識Design都唔緊要），自己「喱」埋一邊囉。又所以，我一直認為Pledge是有點走運的，三浦秀教出身自Number (N)ine的Press公關，本身這份酷爆的工作已令他的獨立發展帶來一定的注目度，加上佢亦深明自己先天擁有「日式鬼佬」樣子、留到Johnny Depp長髮、Model標準瘦身，好明顯型過宮下貴裕，根本就是天生著Number (N)ine系的長毛緊友……所以也難怪Pledge的衫有濃厚Number (N)ine的影子，但走得較街頭，直線令Pledge比不少同期出道品牌擁有更多追隨者，這個親民一點的路線亦令佢頻頻出鏡，日誌亦好樂意係咁幫佢登，因為你有冇發覺，近年日誌除了Model外已經冇個靚仔，藤原浩這一類裏原Icon又已經玩到極限，街街地但又屬[N]系的Icon呢？經常缺位……型男教主三浦呀，你攝到位嘛？
7 comments:
冇計，基於fans理由，這個post我要霸住第一個回應。可能三浦也自知靚仔吧？感覺上他總是很喜歡出鏡的，但無可否認他穿Pledge比任何模特兒都好看。題外話，GHOSTDDD兄，你不是曾經認為藤原浩靚仔吧？
係呀，佢似顏福偉嘛。如果佢全身著visvim揹Head Porter唱愛多80年，應該有得搞。
靚仔+長毛+瘦? 哦,你想講你自己咋吓嘛? 都話你靚仔過水潤航架啦一早, 咪咁謙!
點解我鍾意親牌子設計師都係樣衰衰!!!
mi講得真o岩！！！話時話鬼兄幾時到你出鏡先？吸引o下 o的信徒嘛。你同三浦有得「練」o下！
係呢, lee你都同意呢, 鬼生麻煩你post吓你啲型照, 以解lee等fans之渴也可以順便show吓mi嘅攝影技術囉, 型係無罪嘅, 你唔需要內疚囉!
......唔，可以考慮下，咪玩啦。我見我的啟蒙Blog友The Loft都係咁咋，神秘d ma，倒大家胃就唔好la。
Post a Comment