唔好意思，又是N.Hoolywood今季的出品，這人仔本是街坊拖但鞋頭位置無端端多塊膠蹺起左，就係咁，好似幾型，但講到尾都係一對街市膠拖。（6,300Yen）我有冇買？通常我買了的東西是不會寫出來的……hehe
說到底，香港人出街還是對「人仔」有所避忌。
當然，以上的論點係唔計地盤恅、街市佬、阿姑阿姐、落街食碗麵的街坊，佢地冇錯，但早幾年好興但現在仍然滿街是的Beach Boy……NO~NO~NO，這「求其」的人仔風氣肯定是早年本地潮流雜誌提倡的Resort Style所教壞的…又或者根本唔關雜誌事，只是香港o靚仔只係學懂一招半式便出來招搖過市，簡單講：要型又要懶！
其實人仔在我而言，可是[N]系Style高貴感的最強「調和」搭擋，那就是所謂的我口中常說的「平衡感」。以下日子，就是我要人仔的時候：
1. 面對起身返工襯完衫無端端發覺穿得太過隆重的日子；
2. 穿得太Plain以為好型但上下身都冇乜焦點冇晒野睇的日子；
3. 想懶Casual度過Weekend Holiday扮瀟灑的Resort日子（短褲 + 人仔街坊裝絕對No！）；
4. 襯麻質軍褲、西褲或稍為闊少少褲的日子（我會選擇摺褲腳的）；
5. 這個緊要，就是當你套衫襯乜皮鞋波鞋都唔好睇的日子；
原來人仔就是這麼萬能呀！「平衡感」就是這麼一回事，講求[N]系高貴感與街頭Casual感的融合。冇扮高深，只是不要經常把自己一身的[N]系Style配襯得太理所當然，或是過於隆重，著人仔可以輕易把你的高貴感大大降低，正如西裝/西褲配人仔，但齋Tee + 短褲+人仔就可免則免，硬要的話也請在髮型上或小物方面花一點心思。
人仔選擇方面，則相反要注重高貴感，物料方面非常重要，個人認為最好是買皮革製的，入門可以買黑或啡，至於Suede料的就不妨大膽一點揀鮮豔顏色，在大熱天時底下總算可以把冇得變的Tee + 褲沉悶局面打破，不過運動型、沙灘型絕對No！雖然我知在香港的選擇很少……
記住：不經意但其實好講究，casual地Hi-End才是現在大流行之法則。
P.S. 買邊對人仔好？下一回先再講啦，好累好累呀……
6 comments:
唔該晒你先, 不過你應該做個feature lor其實, d人着人仔着得咁肉酸, 同埋唔該加多個box(金城最愛, fuxk la唔該!!), 教育下d污漕仔扮型都洗洗腳&剪剪趾甲先着囉! 咪啦! 黑foot潮男!!
放心，應該很快會變成feature。殊……等陣俾milk d人聽到呀，細聲d呀……
鬼兄：小弟劣見，我覺得如果真係變成feature，你應該親自出（o黎）教導（o下）班所謂潮人囉…身體力行話俾佢（o地）聽應該點襯囉，無你出（o黎）講幾句兼影張相，佢（o地）真係唔知會襯成點（o架）（包括我在內呢……），你都唔想見到周街都係「沙灘小子」（o架）……
放心，真係很快會變成feature架。HEHE，如果第二本書真係識得做，我唔MIND，不過記往訪問我。
咁我做先啦，雖然無你做得咁好，但主要目的係想你接受訪問，得唔得先，鬼兄haha
搵我LA，HAHA
Post a Comment