[N]系拳四郎

從不少[N]系日牌中可以看出佢o地o既屬性，基本上好多扮緊「來佬野」：

The Viridi-anne，好明顯扮法國Hi野；Number(N)ine，音樂搖滾野；N.Hoolywood，滲少少美式古著的Hi野，咁John Lawrence Sullivan呢？唔好俾個名同佢o既紙牌黑色徽章呃倒，其實都係o架仔野，玩o既範圍比前列份子仲窄，一睇個名就知係拳手野。

我一直有留意佢o既出品，不過大多在減價的時候，因為老實，捨得用正價買衫的話應該數埋腳趾都未輪到佢，咁有乜好留意？我留意的就是John兄點樣可以每季都Keep住佢o既拳手[N]系Style，斷估都唔可以係咁出類似筋肉擂台的K1短褲卦？結果每季在例牌的老西呀、老牛以外，就推出一些最能象徵拳手的有帽衞衣(其實個個牌子都有出)，最出的都算上季的高筒拳師鞋，也是剛巧近年興起高筒籃球鞋襯Skinny Pants所致，難聽d講係擺明有運行，咁仲有乜好玩呀？

或者John兄(當然Designer本身不是叫這名字，架仔來的，乜名？唔銀記得……)都同我一樣在冬天玩過d低能野，就係戴上露趾冷手套扮過下Rocky(或者拳四郎)，所以佢今季就索性出番對俾自己，不過呢對野都幾傳神下，居然玩全套扮拳手戴上拳套前的紮手繃帶(暫知只有黑色，有白色的話應該更傳神)，看圖就知只要戴上再將條尾係咁打圈再將魔術貼貼實即可。

假如黎緊冬天仲係興Plain Style的話(相信都係)，呢d玩野小物就不可多得啦。不過架仔始終係架仔，o個鋪「o靚仔街牌癮」時不時都會發作，搞乜印到自己個牌子隻字咁大方端莊呀？可唔可以印得低調d，或者索性唔印呀，我唔係買緊NEIGHBORHOOD x Undercover呀……

嘩，好靚喎靚喎靚喎靚喎靚喎靚喎靚喎，但唔買唔買唔買……

呢咋Nike肯定係近期最Hot話題，用最Hi-Tech的科技去研製最Low-Tech的波鞋，唉……這種與科技時代背馳的波鞋Trend，其實有點搞笑。

要揀買邊對，幾頭痕下……以下是我一班好友的抉擇：

Bruno兄
當然最簡單的解決辦法是一對都唔買，就像Bruno兄咁苦苦諗足一日，於Daybreak、LD 1000之間來來回回苦苦思量，最後由於知道這個世界的美好東西是不可能全部擁有的，所以唔再諗唔再諗唔再諗玩兩敗俱傷，頭即刻唔痕，但最後還是慘遭我落毒，揀了他認為最阿叔的冷門款式（係邊對自己估），忍痛落了Order，無「淚」即決。（對不起，我又害你跌錢了……hehe）

The Loft兄
都說人大了，自然一切看化，會計算，一句：唔會著的唔會買，對呀，但看來某程度上是Hi-End成熟風在作怪，對於不太愛Colorful東西的他（我自己斷定），這系列Vintage某程度上是不受一眾「Pledge + Lad妙搖滾Style」[N]系型男所歡迎的。

同事們
就像大家去看煙花一樣，邊看Catalog一邊係咁講：「嘩x1000000000，好靚喎靚喎靚喎靚喎靚喎靚喎靚喎x10000000000」，好煩（雖然我都有份，但頻率冇咁密），不過他們已失去理性像大富豪般狂買幾對，甚至鬥買得多，說到最受歡迎的一定是Daybreak同Waffle Racer。

Ghost兄=我
至於我自己呢，同自己講過「Too Many Sneakers, No Life」的道理，堅持幾靚都唔買唔買唔買唔買，唯恐會變成一眾「o靚仔鞋」，但經過分析後應該唔會(卦？)，但點知自己之前去日本一樣中招，買了Junya Watanabe的LDV，心諗香港冇嘛，買啦。係呀，香港真係冇行貨呀，不過點知……Nike今次自己用同一Vintage手法大量繁殖，我收到料真係即時爆出一句「唔銀係呀！」雖然Watanabe版與Nike自家的款式沒有重複，但點都要咀咒Watanabe一句，好心花小小心機改下對鞋啦，好懶呀……你，冇下次！

其實，我真是很怕出街一人一對，而且只要看你買了哪一對的哪一隻色，深資鞋友已經可以一眼看出你是否「老襯底」，而且我認為定價很狼，所謂的Premium版賣$989，和普通版（$699）的分別只在於是否用原版的藍色鞋墊，有就賣貴$300，喂喂喂！呢招狗d喎。所以呢，這批Vintage貨色我絕不認為「唔買會死人」，又或者我一直最愛的早已到手：N.Hoolywood x Nike，100% Vintage再由尾花大輔Customize，油上的怪藍是我最酷愛的顏色，還有那鞋舌的酷爆白章！尾花兄，你真是太有我心呀！

呢d火，過一排就冇事，呢次唔買肯家仲有下次，Nike呢條橋有排玩啦，遲d再出其他款，唔通又買呀，買本《+81》的《BlueRIBBONS》算吧啦。

So Boommmmmmm!!!の話都冇咁快~~~~~~~~~~「偽Ghost」已死!!!

話都冇咁快，講都冇人信……都唔使兩粒鐘……

當「真Ghost」把心一橫在www.s-buffet.com/forum/出盡力回應「偽Ghost」時，版主似乎也知道事態之嚴重性，已手起刀落把「偽Ghost」的會籍終止，變成「禁止發言」！先在此謝謝版主之快手！

大樂！大樂！大樂！大樂！大樂！大樂！大樂！大樂！大樂！

另外，www.s-buffet.com/forum/版主請放心，我「真Ghost」會盡能力代替「偽Ghost」在你那裏留言，hehe！

To：「偽Ghost」

要和你說聲唔好意思，假如你咁鍾意我個Blog，不如你留下言啦，我這裏冷清得很呢……

「真Ghost」上

www.s-buffet.com之你條契弟唔好再冒認我~~偽Ghost！

麻煩留意「作者：Ghost」的Post（可Click大看），火X 10000000000000!!!!!!




「偽Ghost」之勁無聊 + 冇深度的問題之Post，火x 9000000000000000000!!!


先容忍在下大題及本文用字之粗鄙……

近日Bruno兄問我，點解遲遲唔Update個Blog，唔……一來懶啦，二來諗緊寫乜……但點知……原來我唔得閒寫，都有條契弟偷偷幫我寫，仲問埋晒D好冇深度的問題！

火火火火火火火火火火火火火火火火火火火火火火火火火

事緣是我正在Check看我Blog的人是從甚麼途徑Click入時，竟發現了有一條陌生的Link：http://www.s-buffet.com/forum/forumdisplay.php?fid=8，追查下竟發現了自己的筆名Ghost出現在這個潮流時裝Trend Forum上！呢個Forum是那些o靚仔們迷失方向常常問人「點樣先著得最潮」那類，而呢隻「偽Ghost」仲要將我部分的文章Copy & Paste Post上去，分別有《哈呢哈呢の你係咪玩o野》及《人仔の平衡感》（可能仲有……唔Waste時間搵），扮自己寫囉！我終於明白，為何香港的雜誌把別人的文章搬字過紙，原著者是如何的火！

本來都算，就當有條茂利幫我宣傳，但佢有d文章居然唔落Link，仲要變本加厲開始「開新話題」進行發問，問埋晒D完全冇深度的問題：「大家知吾知邊道有得買西裝背心..黑色的但唔好咁waiter的...」我頂！首先「吾」字寫錯都算（我可是編輯來的，對字這方面很有要求），仲要話著左點樣唔似Waiter，噢……唔該la，「偽Ghost」哥呀，你不妨在我的Blog留言，問我好過啦！拜託託託託託託託託託託託託託託託託……再Post我都冇你計，但唔該有d手尾，落埋條Link, Please。

To 「偽Ghost」：

仲有仲有，希望你不是認識我的人啦，有本事自己俾心機寫，縱使你這樣看得起我。THX

「真Ghost」上